Paytaxtda “Qarabağ” bayramı – azarkeşləri nə gözləyir?

"Qarabağ" azarkeşləri üçün xüsusi tədbir təşkil olunacaq.

Sport1.az xəbər verir ki, 2-3 may tarixlərində keçiriləcək Beynəlxalq Xalça Festivalı 2026 çərçivəsində “Qarabağ” azarkeşləri İçərişəhərdə yerləşən Kiçik Qala meydanında bir araya gələcək. Tədbir zamanı klubun rəsmi fanşopu və xüsusi fanzona fəaliyyət göstərəcək.

Festivalın ən diqqətçəkən məqamlarından biri isə futbolçularla görüş olacaq. Mayın 2-də saat 12:00-dan 13:00-dək Kevin Medina, Toral Bayramov, Leandro Andrade, Kamilo Duran və Mateus Silva azarkeşlərlə görüşəcək, xatirə şəkilləri çəkdirəcək və formaları imzalayacaqlar.

Bundan əlavə, tədbir çərçivəsində məhdud sayda xüsusi hazırlanmış “Qarabağ”ın “Əjdahalı” festival formaları da təqdim olunacaq.