“Qarabağ” Zubirin əvəzləyicisini tapdı - ÖZƏL

Müqavilə ilə "Srvena Zvezda"ya məxsus olan və icarə əsasında Türkiyə Super Liqası təmsilçisi "Karagümrük"də çıxış edən Şavi Babika karyerasını Azərbaycanda davam etdirə bilər.

Sport1.az saytının əldə etdiyi məlumata görə, "Qarabağ" qabonlu sol cinah vingerlə yaxından maraqlanır.

Ağdam klubu hücumun hər nöqtəsində çıxış edə bilən 25 yaşlı oyunçunu transfer siyahısına daxil edib. “Köhlən atlar” futbolçunu Abdullah Zubirin əvəzedicisi olaraq görür.

Qeyd edək ki, Qabon millisinin də üzvü olan Şavi karyerası ərzində "Aris" və "Tuluza" kimi komandaların da şərəfini qoruyub. Onun Serbiya təmsilçisi ilə müqaviləsi 2028-ci ilin yayınadək qüvvədədir.