La Liqada çıxış etmiş hücumçu “Qarabağ”ın hədəfində - ÖZƏL

“Qarabağ” yeni mövsümdə hücum xəttini gücləndirmək istəyir.

Ağdam təmsilçisinin həmin mövqe üçün namizədi də artıq bəlli olub.

Sport1.az saytının əldə etdiyi məlumata görə, “köhlən atlar” hazırda Portuqaliyanın II divizionunda çıxış edən “Maritimo” klubunun forvardı Adrian Butskeni transfer siyahısına daxil edib.

27 yaşlı ispaniyalı mərkəz hücumçusunun komandası ilə müqaviləsi 2026-cı il iyunun 30-dək qüvvədədir.

Qeyd edək ki, Adrian bu mövsüm “Maritimo”nun heyətində meydana çıxdığı 25 rəsmi matçda 8 qol və 4 məhsuldar ötürmə ilə yadda qalıb. O, karyerası ərzində “Qranada”, “Haro Deportivo”, “Paços de Ferreyra”, “Vitoriya”, “Nasional”, “Mirandeş” kimi komandaların şərəfini qoruyub.