Ranyeri "Roma"dan ayrıldı

“Roma” klubunun İdarə Heyətinin müşaviri Klaudio Ranyeri vəzifəsindən ayrılıb.

Sport1.az xəbər verir ki, bu barədə paytaxt təmsilçisinin mətbuat xidməti məlumat yayıb. Xəbərdə Ranyeri ilə əməkdaşlığın başa çatdığı bildirilib.

Ranyeri ötən ilin yayından “Roma”da müşavir vəzifəsini icra edirdi.

Qeyd edək ki, Ranyerinin baş məşqçi Can Ptero Qasperini ilə yaranan fikir ayrılığına görə klubu tərk etməsi ilə bağlı xəbərlər yayılıb. Tərəflər transfer siyasəti ilə bağlı ortaq məxrəcə gələ bilməyib. Qasperini komandanın heyətindən narazılığını bildirib, Ranyeri isə transferlərin birgə razılaşdırıldığını vurğulayıb.