PSJ “Sportinq”ə uduzdu, 12 illik seriya qırıldı
PSJ Çempionlar Liqasında son 12 ildə ilk dəfə Avropanın “böyük beşlik” liqalarına daxil olmayan rəqibə uduzub.
Sport1.az xəbər verir ki, Paris təmsilçisi Liqa mərhələsinin 7-ci turunda səfərdə Portuqaliyanın “Sportinq” komandası ilə görüşdə 1:2 hesablı məğlubiyyətlə üzləşib. Bununla da fransızlar üçün uzun müddət davam edən seriya qırılıb.
PSJ sonuncu dəfə Çempionlar Liqasında “böyük beşlik”dən kənar klubla oyunda 2013-cü ilin dekabrında uduzmuşdu. Həmin vaxt Paris klubu yenə Portuqaliya təmsilçisi – “Benfika” qarşısında 1:2 hesablı məğlubiyyət almışdı.
“Sportinq”lə qarşılaşmaya qədər Fransa çempionunun “böyük beşlik” liqalarından olmayan komandalarla Çempionlar Liqasındakı məğlubiyyətsiz seriyası 32 oyuna çatmışdı. Bu göstərici Lissabon səfərində qeydə alınan nəticə ilə başa çatıb.
