Afrika Millətlər Kubokunda yarımfinal cütləri bəlli oldu

Afrika Millətlər Kubokunda yarımfinal mərhələsinin bütün iştirakçıları bəlli olub.

Sport1.az xəbər verir ki, ötən gün 1/4 final mərhələsinin son qarşılaşmaları baş tutub. Günün ilk oyununda Nigeriya yığması Əlcəzair millisini 2:0 hesabı ilə məğlub edərək adını yarımfinala yazdırıb. Digər görüşdə isə Misir komandası dramatik oyunda Kot-d’İvuar üzərində 3:2 hesablı qələbə qazanıb.

Xatırladaq ki, daha əvvəl Seneqal və Mərakeş yığmaları da yarımfinala yüksəlmişdi. Beləliklə, finala gedən yolda Nigeriya Mərakeşlə, Misir isə Seneqalla qarşılaşacaq.

Yarımfinal mərhələsinin oyunları yanvarın 14-də keçiriləcək.