“Şamaxı”lı futbolçu pley-off biletində pay sahibi oldu
Afrika Millətlər Kubokunda qrup mərhələsinin son turu çərçivəsində qarşılaşmalar davam edir.
Sport1.az xəbər verir ki, C qrupunda Tunis və Tanzaniya yığmaları üz-üzə gəlib. Matçda tərəflər hərəyə bir dəfə fərqlənib və görüş 1:1 hesabı ilə yekunlaşıb.
Bu nəticədən sonra 4 xal toplayan Tunis qrupda ikinci pilləni tutaraq növbəti mərhələyə adlayıb. 2 xalla kifayətlənən Tanzaniya isə ən yaxşı üçüncülər arasında yer alaraq pley-off mərhələsinə vəsiqə qazanıb.
Tanzaniya millisinin heyətində “Şamaxı” klubunun yarımmüdafiəçisi Alfons Msanqa da meydana çıxıb. 22 yaşlı futbolçu oyuna ilk dəqiqələrdən başlayıb və qarşılaşmanı sona qədər davam etdirib.
Qeyd edək ki, Tanzaniya pley-off mərhələsində turnirin ev sahibi Mərakeşlə qarşılaşacaq. Bu oyun yanvarın 4-nə təyin olunub.
