Abşeron-Xızı bölgəsində cüdo çempionatı başa çatıb

Cüdo üzrə böyüklər arasında Abşeron-Xızı region çempionatı yekunlaşıb.

Sport1.az xəbər verir ki, yarış Sumqayıt Olimpiya İdman Kompleksində keçirilib.

Turnirdə Abşeron, Xızı və Sumqayıtı təmsil edən idmançılar altı çəki dərəcəsində mübarizə aparıblar. Çempionatın əsas məqsədi ölkə birinciliyində iştirak edəcək idmançıların kvota əsasında müəyyənləşdirilməsi olub.

Yarışın nəticələrinə əsasən, 60 kq çəki dərəcəsində Abşeron Xırdalan təmsilçisi Xalid Məmmədov qalib adını qazanıb. 66 kq-da Nəcəf Nəsrullayev (Abşeron Xırdalan), 73 kq-da Anar Bayramlı (“Neftçi” İK), 81 kq-da Zaməddin Poladov (ACF), 90 kq-da Zeynalabdin Xudaverdizadə (Sumqayıt OİK) və 100 kq-da Atababa Niftəliyev (“Qara Bəbir” Sumqayıt) birinci yerə layiq görülüblər.

Qeyd edək ki, yarışın qalibləri və mükafatçıları yaxın zamanda keçiriləcək Azərbaycan çempionatında çıxış etmək hüququ qazanıblar.