“Mançester Siti” Çempionlar Liqasının favoritlərindən deyil”

“Mançester Siti”nin baş məşqçisi Xosep Qvardiola komandasını bu mövsüm Çempionlar Liqasının əsas favoritləri sırasında görmədiyini bildirib.

Sport1.az xəbər verir ki, o, bu fikirləri “Napoli” ilə ev oyunundan əvvəl səsləndirib.

Qvardiola “şəhərlilər”in ÇL-dəki iddiaları ilə bağlı suala belə cavab verib:

“Görünür ki, biz favorit deyilik. Sadəcə bu anın zövqünü çıxarmaq lazımdır. Buraya qədər gəldiyimiz yoldan məmnunuq. İndi isə qarşıdakı oyuna və turnirdə yaxşı starta fokuslanırıq.

Bu dəfə əvvəlki mövsümlərə nisbətən daha çox oyun olacaq. Pis nəticə ilə başlamaq işimizi çətinləşdirə bilər. Ötən mövsüm ilk matçda “İnter”lə heç-heçə etmişdik. Ümid edirəm ki, bu dəfə daha yaxşı çıxış edəcəyik”.