"Gəlin, bir-birimizi aldatmayaq" - Azər Həşimov

Bu gün yığmamız yoxlama görüşündə Macarıstan millisi ilə qarşılaşacaq.

90 dəqiqə ərzində ölkənin əsas komandası Avropa təmsilçisi ilə oyunda nəyə ümid edəcək? Latviyanı məğlub edə bilməyən milli macarları uda biləcək?

Suallarımızı Azər Həşimova ünvanladıq. Mütəxəssis mövzu ilə bağlı Sport1.az-a açıqlamasında bunları söylədi:

“Yoxlama matçlarının əsas məqsədi seçmə mərhələdəki oyunlara hazırlıq xarakteri daşıyır. Latviya ilə səfər qarşılaşmasında millimiz pis təsir bağışlamadı. Hətta bəzi hallarda rəqibi üstələdi. Hesab edirəm ki, Macarıstanla görüşdə seçməmiz daha da yaxşı mübarizə apararaq qələbə qazanmağa fokuslanacaq. Hər iki oyundan maksimum istifadə edərək rəsmi matçlara yaxşı hazırlaşmaq lazımdır. Digər məsələyə gəlincə, səmimi danışmaq lazımdır. Seçmə mərhələdə yığmamızın rəqibləri olduqca güclüdürlər. Ona görə gözlənilməz tərəqqi edib, bütün komandaları məğlub edərək qrupdan çıxacağıq deyə reallıq yoxdur. Gəlin, bir-birimizi aldatmayaq. Amma Azərbaycan qrupda xarakter, döyüşkənlik sərgiləməklə diqqət çəkə bilər”.

MİRZƏ S