2 güləşçimiz Avropa Çempionatının yarımfinalında

Albaniyanın paytaxtı Tiranada keçirilən 23 yaşadək güləşçilər arasında Avropa Çempionatı davam edir.

Sport1.az xəbər verir ki, yarışın 4-cü günündə qadın güləşçilər xalça üzərinə çıxıblar.

Azərbaycan millisinin 4 təmsilçisi mübarizəyə start verib. Onlardan ikisi yarımfinala yüksəlib.

Qadın güləşi
53 kq
Elnurə Məmmədova italiyalı Mariya Feroneyə tam üstünlüklə (11:0) qalib gələrək yarımfinala yüksəlib. O, finala vəsiqə üçün ispaniyalı Karla Solerlə qarşılaşacaq.

57 kq
Gültəkin Şirinova 1/4 finalda belaruslu Arina Martinavaya (UWW) 2:10 hesabıyla məğlub olub.

62 kq
Birgül Soltanova 1/4 finalda fransalı İris Tibuya 1:3 hesabıyla uduzub.

65 kq
Ruzanna Məmmədova polşalı Olqa Padoşikə 6:3, rusiyalı Yekaterina Koşkinaya (UWW) isə 8:6 hesabıyla qalib gələrək yarımfinala yüksəlib. Güləşçimizin növbəti rəqibi belaruslu Kseniya Tsyareniya (UWW) olacaq.

Qeyd edək ki, yarımfinal mərhələsi Bakı vaxtı ilə 19:45-də, medal görüşləri isə 21:00-da başlayacaq.