Mövsümün məşqçisi və futbolçusu adına namizədlər

İspaniyada 2024/2025 mövsümünün "ən yaxşı məşqçisi" və "ən yaxşı oyunçusu" mükafatına namizədlər müəyyənləşib.

Sport1.az xəbər verir ki, bu barədə liqanın mətbuat xidməti məlumat paylaşıb.

"Ən yaxşı məşqçi" adı uğrunda yeddi mütəxəssis mübarizə aparır. Onlar Hans-Diter Flik (Barselona), Ernesto Valverde (Atletik), Mişel Sançes (Jirona), Dieqo Simeone (Atletiko), Xose Bordalas (Xetafe), Manuel Pelleqrini (Betis) və Manuel Pelleqrinidir (Espanyol).

Mövsümün "ən yaxşı futbolçusu"na namizədlərin siyahısında dörd "Barselona"lı yer alıb. Robert Levandovski, Lamin Yamal, Rafinya və Pedri. "Real"dan Kilian Mbappe, Vinicius Junior və Federiko Valverdedi də "ən yaxşı" seçilə bilər. Eləcə də iki ispaniyalı hücumameyilli yarımmüdafiəçi - "Betis"dən İsko və "Atletik"dən Oyan Sunset azarkeşlərinin səsini qazana bilər.

Qeyd edək ki, Kataloniya təmsilçisi La Liqada keçirdiyi 38 oyunda 88 xal toplayaraq İspaniya çempionatının qızıl medallarını qazanıb. İkinci pillədə qərarlaşan "Real" 4 xal geri qalıb. "Atletiko" isə 76 xalla cari mövsümü üçüncü pillədə başa vurub.