AFFA bu klubların lisenziyasını LƏĞV ETDİ

AFFA-nın Lisenziya Komissiyası cari mövsüm I Liqada lider olan "Şəfa"nın, həmçinin “Mingəçevir”, “Baku Sportinq”, “Difai” və “Səbail”in Premyer Liqada iştirakına icazə verib.

Sport1.az xəbər verir ki, bu barədə Lisenziya Komissiyasının bugünkü iclasında qərar qəbul edilib.

İclasda 2026/2027-ci illər mövsümündə UEFA-nın kişilər və qadınlar arasında klub yarışlarında, Misli Premyer Liqasında, I Liqada və AFFA Yüksək Qızlar Liqasında iştirak etmək üçün müraciət etmiş klubların sənədlərinə baxılıb.

AFFA-nın Lisenziya Komissiyası Azərbaycan futbol klublarının lisenziyalaşdırılması üzrə qaydaların (Buraxılış 2025) 14-cü maddəsinə əsaslanmış müzakirələrdən sonra aşağıdakıları qərarları qəbul edib:

Premyer Liqa yarışlarında iştirak etmək üçün aşağıdakı klublara lisenziya verilsin:

“Baku Sportinq”, “Difai”, “İmişli”, “Karvan-Yevlax”, “Kəpəz”, “Mingəçevir”, “Səbail”, “Şəfa".

I Liqa yarışlarında iştirak etmək üçün aşağıdakı klublara lisenziya verilsin:

“Cəbrayıl”, “Dinamo”, “Qaradağ Lökbatan”, “Quba”, MOİK, “Şahdağ Qusar”, “Şəmkir”, “Xankəndi”, “Şimal”, “Zaqatala”.

II Liqa yarışlarında iştirak etmək üçün aşağıdakı klublara lisenziya verilsin:

“Ağstafa Gəncləri”, “Araz Saatlı”, “Biləsuvar”, “Kür Araz”, “Lənkəran”, “Marafon”, “Ramana”, “Samur”, “Şəfəq”, “Şəki Siti”, “Şirvan”, “Zəngəzur”.

II Liqa yarışlarında iştirak etmək üçün aşağıdakı klublara lisenziya verilməsin:

“Ağdaş”, “Xəzər Ağcabədi”.

AFFA Yüksək Qızlar Liqasında iştirak etmək üçün aşağıdakı klublara lisenziya verilsin:

“Araz-Naxçıvan”, “Baku Juniors”, “Dirçəliş”, “Qəbələ”, “İmişli”, “Liman”, “Sabah”, “Şəfa”, “Ümid”.

UEFA lisenziyasına müraciət edən lisenziya iddiaçısı Lisenziya Komissiyası tərəfindən qəbul olunmuş qərarı aldıqdan sonra 10 (on) gün ərzində apellyasiya şikayəti vermək hüququna malikdir. Digər lisenziya növlərinə müraciət edən lisenziya iddiaçıları üçün isə bu müddət 5 (beş) gündür.

Qeyd edək ki, Azərbaycan futbol klublarının lisenziyalaşdırılması üzrə qaydaların (Buraxılış 2025) 14-cü maddəsinə müvafiq olaraq, lisenziyanı almış klub avtomatik olaraq çıxış etdiyi liqadan aşağı yarışlarda da iştirak üçün lisenziya əldə etmiş hesab olunur.

II Liqa yarışlarında iştirak edən "Göygöl" FK, həmçinin AFFA Yüksək Qızlar Liqası yarışlarında iştirak edən "Təhsil 8" və "Zaqatala"lisenziya prosesinə qoşulmaqdan imtina etmişdir.