Premyer Liqa klubları "Real"ın futbolçusunu istəyir

İngiltərə Premyer Liqasının bir neçə klubu qış “transfer pəncərəsi”ndə “Real Madrid”in hücumçusu Qonsalo Qarsiyanı icarəyə götürmək variantını nəzərdən keçirir.

Sport1.az xəbər verir ki, bu barədə “Daily Mail” məlumat yayıb. Nəşrin iddiasına görə, “Brayton” da daxil olmaqla bir neçə Premyer Liqa təmsilçisi 21 yaşlı forvardın durumunu yaxından izləyir. Yayda “Lids” və “Sanderlend”in maraq dairəsində olan Qarsiya daha çox oynamaq imkanı qazanmaq üçün icarə təklifinə müsbət yanaşa bilər.

Qeyd edək ki, gənc hücumçu bu mövsüm Madrid klubunda 9 matça çıxıb və bir qol ötürməsi ilə yadda qalıb. Onun “Real Madrid”lə müqaviləsi 2030-cu ilin yayına qədər qüvvədədir.