Frank "Mançester Yunayted" ilə heç-heçə barədə: "Ağrılıdır"

“Tottenhem”in baş məşqçisi Tomas Frank İngiltərə Premyer Liqasının XI turunda “Mançester Yunayted”lə 2:2 hesablı bərabərliklə başa çatan oyundan sonra matç barədə fikirlərini bölüşüb.

Sport1.az xəbər verir ki, London klubunun rəsmi saytına danışan mütəxəssis nəticədən razı qalmasa da, komandasının oyunundan məmnun olduğunu bildirib:

“Təbii ki, bu, çətindir, ağrılıdır. Amma “Çelsi” ilə oyundan fərqli olaraq, bu dəfə daha yaxşı oynadıq və ən azı uduzmadıq. Mən bu görüşdən müsbət məqamlar çıxarmağa çalışacağam. Əlbəttə, matçın gedişində artıq qalib gəldiyimizi düşünəndə, bütün bu sevincin içində olmaq istəyirsən. Futbolun gözəlliyi də bundadır — bəzən sənin xeyrinə olur, bəzən isə yox”.