"Lənkəran" rəsmisi hədəflərini AÇIQLADI

Futbol üzrə Region Liqasında II tura yekun vuruldu.

Sport1.az xəbər verir ki, çempionata uğurlu başlayan klublardan biri də “Lənkəran”dır. Cənub təmsilçisi son iki oyunda “Ərkivan” (6:1) və “Naxçıvan” (8:0) üzərində böyük hesablı qələbələrə sevinib. Komandanın mövsümdəki hədəfləri ilə bağlı vitse-prezident Emin Fərzullayevdən açıqlama aldıq:

“3 ildir ki, komanda olaraq fəaliyyət göstəririk. İlk ilimizdə uğurlu çıxış etdik və ¼ final mərhələsinə qədər irəlilədik. Ötən mövsümdə isə uğursuz çıxış etdik. Bu il qarşımıza maksimum irəli getmək məqsədini qoymuşuq. Cənub bölgəsində futbolu ölməyə qoymayacağıq. Gənclərimizin idmanın bu növündə uğur əldə etməsini istəyirik.

Bu regionda futbol həmişə olub, bundan sonra da olacaq. Gələcəyinin ulduzlarının yetişməsi və Lənkəranda futbolun dirçəlməsi naminə əlimizdən gələnin ən yaxşısını etməyə çalışacağıq”.

MİRZƏ S.