Abubakar "Neftçi"dən ayrılıb Türkiyəyə gedir?

“Neftçi”nin hücumçusu Vensan Abubakar komandadan ayrılmağa yaxındır.

Sport1.az Türkiyə mətbuatına istinadən xəbər verir ki, kamerunlu futbolçunun müqaviləsində sözləşmənin daha bir il uzadılmasını nəzərdə tutan bənd yer alsa da, “ağ-qaralar” bundan istifadə etməyi planlaşdırmır.

34 yaşlı forvardın karyerasını yenidən Türkiyədə davam etdirməsi mümkündür. Belə ki, I Liqaya vəsiqə qazanan “Bursaspor” təcrübəli hücumçunu yay transfer dönəmində azad agent kimi heyətinə qatmağı düşünür.

Qeyd edək ki, Vensan Abubakar daha əvvəl Türkiyədə “Beşiktaş” və “Hatayspor”un uğurları üçün çıxış edib. O, ötən ilin oktyabrından etibarən “Neftçi”nin formasını geyinir.